Nuummi anoraasuarujussuaqattaartoq: Politiit isersimaannaqqusipput
Nuummi anoraasuarujussuaqattaarpoq. Anoraasuarujussuaqattaarnera ima sakkortutigaaq biilit aqqusinermi angallattut arlallit allaat tinngussaangajallutik.
Taamaammat Nuummi innuttaasut anoraasuarujussuaqattaarnerani isersimaannaqquneqarput.
Kalaallit Nunaanni Politiit facebookiminni taama allapput.
DMI anorersuarujussuartut sakkortutigisumik Nuummi ualeru sisamat missaata tungaanut anorsaaruarujussuartarnissaanik ilimasaarivoq.
Taamaammat bussinik angallassinerit tamaasa unitsinneqartut, Nuup Bussii facebookiminni aamma allapput.
Anoraasuarujussuartarneranilu anisariaqartut mianersoqqissaaqquneqartut, politiit pigaartuisa pisortaat Aputsiaq Hansen oqarpoq:
- Inuit isersimaannarnissaat kajumissaarutigaarput, anisariaqartulli aqqusinermi angallannermi mianersoqqissaaqquagut, taanna oqarpoq.
Ikiortariaqaruit Kalaallit Nunaanni Politiit 70 14 48-imut upalungaarsimasulluunniit 113-imut sianerfigalugit attavigisinnaavatit.
