Angut 34-inik ukiulik sakkortuumik annersarneqarnermi kingorna Dronning Ingrid-ip napparsimavianut tallimanngormat unitsinneqarpoq, inuuneralu navianartorsiortoq Nuummi politiit nalunaarput.
Nuummi politiit Nuummi nakorsiartarfimmit tallimanngornermi ullaakkut nalunaarfigineqarsimapput angut annersarneqangaatsiarnermi kingorna talia napisimasoq, niaqqumigullu ikilerneqarsimasoq.
Nuummi politiit angut 29-nik annersaasimanermut atatillugu tigusarisimavaat, tallimangormallu eqqartuussivimmut sassartinneqarpoq, politiillu misissuinerminnut atatillugu angut 29-inik tigummigallassavaat.
Angut pasineqarnersoq eqqartuussivimmilu killisiorneqarsimanersoq, politiit maannakkumut oqaatigisinnaanngikkallarpaat.
Angut 34-inik ukiulik Nuummi inissiarsuarmi Blok P-imi kongevej-imiittumi persuttarneqarsimavoq.