Nuummi angallannermi ajutoorneq
Nuummi ullaassaq bilinik ajutoortoqarneratigut arnaq inuusuttoq ajunaarpoq.
Allattoq Elisa Isaksen
Biili inuusuttunik tallimanik ilaasulik ullaassaq nalunaaqutaq sisamat missaanni mittarfiup eqqaaniit illoqarfiup tungaanut sukkaqaluni ingerlaartillugu, golfertarfiup eqqaani aquttuata biili aqussinnaajunnaarmagu, biili qulliup napparutaanut aporpoq.
Ajutoornermi ataaseq ajunaarpoq, ataaserlu aqqunartiterluni, ilaasullu allat pingasut minnerusumik ajoquserneqarlutik.
Ilaasut tallimaasut tamarmik inuusuttuupput 18-it 20-llu akornanni ukioqartut, politiillu ilimagaat ajutoortut imigassartorsimassasut.