Nuummi aalisartut umiarsualivimmik assersuinerat unitsinneqarpoq
Aalisartut unioqqutitsillutik assersuitillugit piumasaqaataat pillugit naalakkersuisuinik isumaqatiginniartoqarsinnaanngimmat, assersuineq unitsinneqarpoq. Aalisakkanik suliffeqarfik Royal Greenland siusinnerusukkut nalunaarutigineqareersutut saarulliit kiilumut akiisa 75 øremik qaffanneqarnissaannik neriorsuuteqarpoq.
Kuupik Kleistip erseqqissarpaa, Naalakkersuisut unioqqutitsilluni assersuisoqartillugu aalisartunik oqaloqateqarsinnaanatillu isumaqatiginniarsinnaanngimmata. Naalaakkersuisut attaveqarfigisaat tassaavoq KNAPK, umiarsualivimmillu assersuisut toqqaannartumik attavigineqaratik Naalakkersuisut Siulittaasuat Kuupik Kleist oqarpoq. KNAPK naalakkersuisunit nalunaarfigineqarpoq, naalakkersuisut umiuarsualivimmik assersuisoqartillugu oqaloqatiginnissinnaanngitsut, KNAPK oqaloqatigineqassappat assersuineq taamatinneqartariaqartoq Kuupik Kleist oqarpoq. Aalisakkat akiisa appasinnerat pissutaalluni aalisartut inuuniarnerannut ajornartorsiutaasoq naalakkersuisut takusinnaavaat, Naalakkersuisut Siulittaasuat Kuupik Kleist oqarpoq.
Naalakkersuisut KNAPK-ilu isumaqatiginniarnissaq pillugu oqaloqatigiissasut Naalakkersuisut siulittaasuata Kuupik Kleistip oqaatigaa.