Nuuk ukiormanna 285-inngortorsiorluni nalliuttorsiorpoq
Ukiunik akunnaalliliilluni nalliuttorsiortoqanngikkaluartoq, Nuummiut arlallit tamanna malunnartinniarlugu aggustip 29-anni Nuummi Illorsuarmi Timersortarfimmi aaqqissuussillutik malunnartinniarpaat.
Allattoq Elisa Isaksen
Nuummiutoqqanik aamma qallunaat tikisitat 1920-kkunniit 1960-ikkut ilanngullugit Nuummiissimasut kinguaavinik 18-ileereersimasunik taakku qaaqqusipput.
Qaaqqusallu annerusumik utoqqaammata, aaqqissuussineq ualikkut nalunaaqutaq sisamanut aallartissaaq - kalaallit nerisassaataannik illinnartunik sassaalliisoqassalluni, ilaatigullu aliikkusersuisuussallutik Pele Møller Band, The Påhængsmotors aamma Ida Heinrich.
Soqutiginnittut nalunaarfissaat akiliiffissaallu ullumi ulloq kingulliuvoq, peqataanerlu 225 koruuneqarpoq.