Nukissiorfiit: Nuuk tamakkerlugu innaallagiamik, imermik kiassarnermillu pilersorneqaqqilertoq

Nuummi innuttaasut qullitik ikissinnaalerpaat, aamma nerisassiorsinnaalerput. Ulloq ataasingajaq sarfamik ajornartorsiortoqareersoq aaqqiigasuartoqarpoq.
Strømafbrydelse, Nuuk, Godthåbhallen, Varmestue, 29/12/2024.jpg
Nuummi kiassarsinnaanngitsut ilaatigut Nuup timersortarfiani kialaarsinnaatitaapput. Assi © : KNR / Markus Valentin
Allattoq Brian Jensen
decembarip 29-at 2024 12:12
Share to Facebook Share to Twitter Copy link Print
Nutserisoq Brian Jensen

Nuummi, Nuussuarmi Qinngorpumilu innaallagissamik, imermik kiassarnermillu Nukissiorfiit pilersorneqaqqilersut Kalaallit Nunaanni upalungaarsimasut tusagassiuutinut nalunaarput.

Inaallagiamut pilersueqqilernermi suli ajornartorsiuteqarussi Nukissiorfiit innaallagissamut paarsisuanut attaveqarsinnaavusi uunga 54 14 22. Najugaq innaallagiamullu uuttuutip normua nalunaarutigissaaq.

Kaapilersuaq (transmissionslinje) pillugu paasisaqarneroriarunik Facebookkikkut nalunaarniarlutik neriorsuuteqarput.

Kissarsuutit errorsiviit allallu sarfatornerusinnaasut sapinngisamik atornaveersaarneqarnissaanik innersuut atorunnaartoq ilanngullugu nalunaarutigineqarpoq.

Kalaallit Nunaanni upalungaarsimasut Nuummiittut tamarmik naammagittarsimanerinik qutsavigai.

Sumiiffiit ilaanni suli innaallagissamik qamittoortoqartarsinnaanera Nukissiorfiup nalunaarutigaa.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

19-inik ukiulik ulluni 27-ni tigummigallarneqassasoq

Jessie Kleemann eqqumiitsuliornermi suliaqarnini pillugu inuunermi sinnera akissarsisalertussanngortoq

Suila-tapinut akiligassinneqarsimasut akiliissanngitsut

Kuummiuni innuttaasut aallaasersortoq unitsikkaat

Naaja Qarsorlu aningaasanut inatsisissap isumaqatiginninniutigineqarnerani ataatsimoorussisut

Siumut sillimaniarnermut isumaqatigiissummi USA-p pisussaaffii politikkikkut nakkutigineqartariaqarsoraat