Nuup ilaa akunnialuit qaangiuppata innaallagiaqaqqilissasoq
Nuummi ulloq naallugu innaallagiaqannginnera akunnialuit qaangiuppata qaangiutissagunarpoq.
Nordhavnimimi ajornartoornermi nukissiorfik aallartillugu iluatsinneqarpoq, taamaammat akunnialuit qaangiuppata pilersuisoqaqqilernissaa naatsorsuutigaat.
Nukissiorfiit Utoqqarmiut Kangerluarsunnguani erngup nukinganik nukissiorfimmit ajutoortoqarneranik ullumi siusinnerusumi paasivaat. Ajornartorsiutaasorli suli nassaarivinneqanngilaq, taamaammat ajornartoornermi generatorinit backup-generatorit illoqarfimmut innaallagiamik pilersuinissaat naatsorsuutigaat.
Nukissiorfiit ajornartoornermi generatorinik ullumi siusinnerusukkut aallartitsiniaraluarput, issinnerali pissutigalugu aallartissinnaasimanagit nalunaarutigaat. Tamannali maanna nassuiaatigineqartutut iluatsinneqarpoq.
