Nuuk, Sisimiut, Ammassalik aamma Narsaq Namminersornerullutik Oqartussanit taperneqaqqammerput

Taamaakkaluartoq Nuummi Nuussuup Atuarfiani meeqqat atuartut nerisinneqartalissanngillat.

Meeqqallu ilaat anitsiarfinni peqqinnanngitsunik pisiniartarput.

Meeqqat marlunngormat aggustip naanerani anitsiarfimmi pisiniartut alakkarterpavut.

-Nuussuup Atuarfiani atuartut 15/20-t akornanniittut anitsiarnerminni Minimarkedimi ullaap tungaa qulit qeqqata missaani mamakujuttunik pisiniarrapput. Ataaseq cacao-isivoq, taannalu oqaluttuarpoq anitsiarnerit tamaasa pisiniartarluni. Ilaatigunngooq kondisisarpoq energidrinkinillu aamma pisisarluni. Ilaatiguinnaq taquartarnerarpoq. Alla aamma assiginngitsunik peqqinnanngilluinnartunik pisiniarpoq, taannalu oqaluttuarpoq nammineq taquarnani ooriuteqaraangami pisissutissaminik nassaannartarluni.

Minimarkedimi pisiniartitsisoq Lars Nielsen oqaluttuarpoq, meeqqat pisiniartartut amerlassusaat assigiinngiiaartuusoq, ilimagaali meeqqat 70/100 missaat anitsiarnerit tamaasa pisiniartartut, tassa ullut tamaasa. Meeqqap pisiniartup ataatsip 20 koruuniniit 50 koruunip tungaanut atortarai, Lars Nielsen oqaluttuarpoq.