Nuuk: Saviminernut eqqaavissuaq ikuallattoq
Inunnik ajoqusertoqanngilaq saviminernut eqqaavissuup teqeqqua Nuummi sisamanngornermi unnukkut ikuallammat. Taamaattoq qatserinermi nivattaassuit ikiorsiunneqarput ikuallanneq siuaruaakkiartorunnaarsinniarlugu.
- Misissuinerit maannamut takutippaat ikuatsitsisoqarsimanissaa ilimananngitsoq. Politiit aamma qatserisartut ilimagaat ikuallajasut arlaata ikuallalerneratigut taamatut pisoqarsimassasoq, Nuup politiivini pigaartuusoq Ove Thomassen KNR-imut taama oqarpoq.
Ikuallanneq unnukkut arfineq marluk qaangilaara paasuineqarpoq erngiinnarlu qatserisartut, politiit, ambulancellu ornigutsinneqarput. Ikuallannerli siuaruaatilertorsimavoq. Taamaammat nivattaassuit aggersarneqarput, nivattaassuillu arfinillit sioqqanik ujaraaqqanillu ikuallattumut nivannerisigut inneq siuaruaakkiartorunnaarpoq. Ikuallaffik politiit nalunaaqutaq 23.00 qaangilaara qimappaat.