Nuuk-Paamiuni saattuarniarneq unitsinneqarallassasoq
Aalisarsinnaanermut akuersissutinik nakkutilliisoqarfiup ilisimatitsissutigaa aqutsiveqarfimmi Nuuk-Paamiuni sinerissap qanittuani saattuarniarneq marlunngornermi apriilip 30-ani nalunaaqutaq 24.00 unitsinneqarallassasoq.
Aqutsiveqarfimmut saattuartassiissutigineqartut 1.200 tonsiusut affaat sinnerlugit aalisarneqarsimalernerat tamatumunnga pissutaavoq.
AAMMA ATUARUK Assagiarsunniarnerup unitsikkallarneqarnera kukkunerusoq nalunaarutigineqarpoq
Pullatit kingusinnerpaamik marlunngornermi apriilip 30-ani 2019-imi qaqereerneqarsimassapput. Taamaalilluni maajip aallaqqaataa tassaassaaq ulloq tunitsiviusoq kingullerpaaq.
Aqutsiveqarfimmi saattuarniarnerup oktobarip aallaqqaataani 2019-imi ammaqqinnissaa Aalisarsinnaanermut akuersissutinik nakkutilliisoqarfiup naatsorsuutigaa.