Nuuk Kommune pinaveersaartitsinerulerusuppoq

Meeqqat inuusuttullu Nuummi nakuuserniartarnerisa tillinniarniartarnerisalu kingorna Nuup Kommunia iliuuseqaqqippoq. Meeqqanut piorsarsimasutsimullu kommunip ingerlatsisoqarfia, meeqqanut inuusuttunullu Nuup kommuniata politikkeqalernissaanut tungavissanik katersissaaq.

Nuummi inuusuttuaqqat kingullertigut nakuuserniartarnerat Nuummi politiini pinaveersaartitseqatigiinni suleqataasup Poul Hansenip ima oqaatigaa.

- Politiiniit illoqarfimmi imerniartarfinnut alakkaasoqartarnissaanik inuttaleereernitta kingorna nakuuserniarunnaarniarnerit ilorraap tungaanut aallarsimapput, tamannalu politiinit imerniartarfiulinniillu nuannaarutigineqarpoq.

- Nakuusinnginnissamut taarsiullugu inuusuttuaqqat ullut tamaasa takussaasumik aserorterinerlulersimapput tillinniarnerulerlutillu.

Nuup Politiivini pinaveersaartitsinermik suliaqartoq Poul Hansen taama oqarpoq.

Meeqqanut piorsarsimasutsimullu kommunip ingerlatsisoqarfiata iliuuserisinnaasaat pillugit kingusinnerusukkut tusagaqarfigisinnaavarsi.