Kommuneqarfik Sermersuup Nuuk issittumi illoqarfiit pingaarnersaanni ukiumi qaamanerpaanngortikkusuppaa.
Taamaattumik kommunip Eskimo Management suleqatigalugu oqallinnertalimmik ataatsimiititsiniarpoq septembarip 20-anni. Ataatsimiititsinermi illussanik titartaasartut nunarsuarmi tusaamasaanerit ilaata qaammaqqusersuinikkut qaamarnullu sunniutaanik immikkut ilisimasallip James Carpenteri saqqummiutissavaa Nuuk issittumi illoqarfiit pingaarnersaanni qanoq ililluni ukiumi qaammarsagaalluarnerpaalersinnaanersoq.
- Pilersaarummi ukiuni tallimaniit arfineq marluk angullugit sivisussuseqartussami Nuup illoqarfittaani qullitalinnik ilusilersuinikkut, qullilersuinikkut allatigullu qaammaqqqusersuilersaartoqarpoq ukiukkut oktobarip aallartinneraniit marsip naanissaata tungaanut ingerlanneqartartussamik, Kommuneqarfik Sermersooq tusagassiuutinut nalunaarummini ilaatigut taama allappoq.
James Carterip oqallilluni ataatsimiinnissami qinikkat, atorfillit suliffeqarfiit allallu saammisamut attuumassutillit peqataaffigisassaanni Nuuk issittumi illoqarfiit pingaarnersaanni qanoq ililluni qaammarsagaalluarnerpaanngorsinnaanersoq saqqummiissaq.