NUUK: SANAp kangerluani toqungasumik nassaartoqartoq
Nuummi Dronning Ingridiup Napparsimmavissuata kangerluani toqungasumik nassaartoqarpoq.
Allattoq Kenneth Elkjær
KNR-ip paasisai naapertorlugit napparsimmavimmi sulisut SANAp kangerluani inummik tallimanngornermi ualikkut siumugaqarput. Nassaartut politiinut attaveqareermata politiit ambulancellu ornigupput. Nuummi politiit pigaartuat, Knud Frederiksen taama oqarpoq.
- Pinerluttoqarsimaneranik takussutissaqanngilaq, Knud Frederiksen oqarpoq.
Toqungasoq nassaarineqartoq angutaasoq 1965-imilu inunngorsimasoq, politiit pigaartuata paasissutissiissutigaa.
Angut qanoq ililluni imaaniilersimanersoq politiit misissuinerisa takutissavaat.
Ilaqutaasut kalerrinneqareerput.