Nuuk imermik piginneqatigiissutit tunineqarput

Namminersornerullutik Oqartussat Nuuk Imermi piginneqataassutaat katillutik 34 millioni kronet sinnerlugit naleqartut tunineqarput. Piginneqataassutit tunineqartut immiorfiit marluk, Carlsberg Breweries A/S-ip Royal Unibrew A/S-illu, kiisalu Nuuk kommuniata akornanni agguarneqassapput.

Namminersornerullutik Oqartussat Nuuk imermi piginneqataassutaat tunineqartut pingasunit pisiarineqarput, tassa immiorfiit Carlsberg breweries A/S kiisalu Royal Unibrew A/S piginneqataassutinik tamarmik immikkut 31,86 procentinik pissarsipput Nuullu kommunea 36,28 procentinik pisilluni.

Namminersornerullutik Oqartussat Nuuk Imermi piginneqataassutaanik tunisinerup saniatigut nunatsinni immiaaqqanik imeruersaatinillu tunisassiiorsinnaaneq tamanut ammaanneqarpoq.

Taamaalilluni nunatsinni immiaaqqanik eqqussuisinnaanissamut immiorfeeqqanillu aallartitsiniarsinnaanissamut qinnuteqarumaartussat qinnuteqaataannik suliarinninnissamut Naalakkersuisut piareersimalerput.

Taama tunisassiornissamut siornagut qinnuteqartoqareernikuuvoq, tassa siornaak 2003-mi Nuummi Hotel Godthåbimik piginnittut immiorfeeraliornissamik siunertaqarlutik qinnuteqarput akuersissummilli pinngitsoorlutik.

Nuuk Imermi Namminersornerullutik Oqartussat piginneqataassutaat tunineqartut katillutik 25,66 procentiupput.