Løvens Hule Nuuk Couture nersualaarneqartoq - aningaasannanngitsoorlunili
Aallarnisaasut assigiinngitsut tunisassiartik isumassarsiartilluunniit inuussutissarsiutilinnut assigiinngitsunut "Løvens Hule"-mi saqqummiuttarpaat, tunisassiarineqartorlu isumassarsiarluunniit isumalluarnartutut nalilerunikku aningaasaliiffigisinnaallugu, tunisassiortup isumassarsisulluunniit suliaa tunisassiarineqarsinnaalissalluni.
Louise Lynge Berthelsenip suliani atisanik takutitsisartut peqatigalugit takutippai, kalaallisuut aallaavigalugit avittanillu pinnersakkat takutillugit:
- Sapinngilagut, tassa sulininni najoqqutigisartagara. Nukissaqarluartutummi piumassuseqartutullu saqqummerusuttarpugut, Louise Lynge Berthelsen, saqqummiussinermini ilaatigut oqarpoq.
AAMMA ATUARUK Great Greenland Nuuk Couturelu Nuummi pisiniarfimmik ammaalersut
Inuussutissarsiutillit tallimat Nuuk Couturep ilusilersugai nuannarilluinnarpaat, aningaasalersorneqarnissaanulli tunuarsimaarlutik.
- Kisianni ajunngilaq, Louise Lynge Berthelsen, tusagassiutinut nalunaarummi ilaatigut oqarpoq.
- Dommerit nalilersuinerat sulininnut atatillugu atorluarsinnaavara. Ilisimasakkalu misilittakkallu Kalaallit Nunaanni aallarnisaasunut siunissami ingerlateqqinnissaannut piareersimavunga, taanna oqarpoq.
DR1-ip aallakaatitaa "Løvens Hule" 1 millionit missaannit isiginnaarneqartarpoq.
