VIDEO Nuugaatsiap tassaarsuarmit eqqugaanera takuuk

Uummannap nunaqarfiisa ilaat Nuugaatsiaq, tassaarsuarmit arfininngormat unnukkut eqqugaavoq. KNR siullersaalluni nunaqarfimmit videoliamik pissarsisimavoq. Video allaaserisaq qulaatungaaniittoq takuuk.
Allattoq Kenneth Elkjær, Arnaq Nielsen
juunip 20-at 2017 10:07
Nutserisoq Simon Uldum -

Uummannap eqqaani Karraat kangerluanni sajuppillannerit richterskalamik uuttorlugit 4-sut GEUS-imit  arfininngormat unnukkut nalunaaqutaq 21.40 uuttortarneqarput.

Minutsit arfineq-pingasut qaangiummata Nuugaatsiaq tassaarsuarmit eqqugaavoq illullu aqqanillit amuneqarlutik. Inuit marluk aqqunartitingaatsiarput inuillu sisamat suli maqaasineqarlutik.

Malerujussuit aamma Uummannamut Illorsuarnullu anngupput. Maliillu unnuakkut kingusinnerusukkut Upernaviup eqqaanut aamma anngupput.

Nunap ilaata tassaarsuaqarfioqqinnissaa aarleralugu Illorsuit Niaqornallu oqartussanit sapaammi inuerussorneqarput.

Nuugaatsiap tassaarsuarmit eqqugaanerata videoliarineqarnera allaaserisap qulaatungaani isiginnaarneqarsinnaavoq.

 

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk