Sisak qimagussorneqartut atisassaannik nassarluni Uummannamut tikittoq
Politiit angallataat Sisak IV Uummannamut ataasinngormat unnukkut tikippoq, qimagussortinneqartut atisassaannik Nuummi katersorneqartut ilaat nassarpai. Politiit tusagassiorfinnut nalunaaruteqarlutik taama allapput.
Allattoq Simon Uldum -
juunip 20-at 2017 04:44
Sisak IV kingorna Illorsuit, Niaqornat Nuugaatsiallu tungaannut aallaqqippoq, nunaqarfinni taakkunani qimminut nerukkaatissaanik nassarluni.
Saattuni, Ukkusissani, Ikerasammi Qaarsunilu innuttaasut politiinit kajumissaarneqarput immap qummut killinga nakkutigeqqullugu.
Imaq qaffakkiartulissagaluarpat nilliasaammilluunniit kalerrisaarisoqarpat qaqqamut erngertumik majuartoqassaaq.