Nutserisussatut ilinniartitaaneq nutaaq aallartilerpoq
Sisimiuni Oqaatsinik Ilinniarfimmi oqalutsimut nutserisumullu ilinniartitaasoqarunnaartassammat, Ilisimatusarfimmi bachelorinngorniutigalugu nutserisutut inuussutissarsiutinilu oqaatsit pillugit nutserisutut ilinniartoqarsinnaalissaaq
Allattoq Ludvig Siegstad
Bachelorinngorniarneq ukiut sisamaat avillugu sivisussuseqassaaq, maannakkut ilinniakkamit ukiumik ataatsimik sivisunerussalluni.
Nutserisutut inuussutissarsiutinilu oqaatsit pillugit nutserisutut bacherloritut ilinniakkaminik naammassisoq, ilinniarsimasaminut attuumassuteqartumik Ilimatusarfimmi kandidatimut ukiuni marlunni ilinniarsinnaavoq nunaniluunniit allani aamma ilinniarsinnaassalluni.
Oqalutsitut nutserisutullu Sisimiuni Oqaatsinik Ilinniarfimmi ilinniartitaanerit juunimi unissapput. Ilinniarneqalersinnaasumut nutaamut Nanoq.gl ilaatigut taama paasissutissiivoq.