Nutsanut misuutit sapigaqalersitsisarput

Nutsat misutsittarnerisa kingunerisaanik amerliartuinnartut qalipaatinik sapigaqartalersimasut, Tuluit Nunaanni misissuinerup takutikkaa, aviisi Politiken allaaserinnippoq.

- Inuusuttuunerusut inersimasullu nutsanut misuutinik sapigaqarnerusarput, misissuisut oqarput.

- Nutsanut misuutini qalipaatit pingasuugaangata marluk inuup sapigaanik akoqartarput, tassa akuutissaq PPD-mik taaneqartartoq akugitinneqartarami, misissueqataasoq Heidi Søsted oqarpoq.

Nutsanut misuutinik sapigaqalersut ungillerilersarput, isaasa eqqaat aappillertarput, aamma nutsat qupperneri aappillertarlutik. Ingasalluinnaraangallu isit kiinarlu marloriaatinngorlutik pullarujussuarsinnaasut misissuisut nassuiaapput.

- Anillattoorneq qaangiukkaluarpalluunniit tamatuma kingorna ukiuni arlalinni sapigaqarneq ingerlasinnaasarpoq Heidi Søsted oqarpoq.

Nutsanut misuutit akuinut PPD-mik Tuluit Nunaanni sapigallit ukiut arfinillit ingerlaneranni amerleriarujussuarsimasut oqaatigineqarpoq.

Akuutissaq PPD Frankrigemi, Tysklandimi, Sverigemilu siusinnerusukkut inerteqqutaavoq.