Nutaarmiuni toqutsisoq pineqaatissinneqarpoq
Toqutsiumatulluinnarluni ilaqutariit tamakkerlugit toqussimagaanni, iliuuserisimasallu peqqissimissutiginagit aammalu suliaq pillugu oqaaseqarusunngikkaanni, taava ullormi eqqartuussaaffimmi akikinaarinissaq naatsorsuutigineqarsinnaanngilaq. Taamatullumi Kunuunnguaq Korneliussen Ilulissani eqqartuussivimmi pineqaatissiissummik ullumi atuffanneqarami taamatut pineqarpoq.
Piffissami killiligaanngitsumi pineqaatissinneqarpoq, tassalu ukiuni 8 - 10-niit inuunermi sinneraniusinnaasumik parnaarussaasussanngortitaalluni. Qanorluunniit ittoqaraluarpat Kunuunnguaq Korneliussen imminut inoqatiminullu navianartorsiortitsinngitsoq nakorsanit naliliiffigineqarpat aatsaat inuiaqatigiinnut aappakaatseqqinneqarsinnaassaaq.