Nutaarmiuni pingasut toqutaapput
Toqutsinermik kinguneqartumik Upernaviup avannaani Nutaarmiuni aallaasersortoqarpoq. Pingasut toqutaapput marluk ikilerneqarlutik.
Allattoq Noah Mølgaard
Politiit sakkortuumik pisoqarnerani orniguttartunik maanna Upernaviup avannaanut Nutaarmiuliartitsipput ullaaq aallaasersortoqarnerani arlallit toqutaareersut.
- Nalunaarfigineqarput inissiat ilaanni inuit toqungasut pingasut nassaarineqarsimasut marlullu allat annertuumik ikilerneqarsimasut, Claus Risbjerg politimestereqarfimmiit KNR-imut taama oqaluttuarpoq.
Politiit sisamat, nakorsaq peqqissaasorlu ullaap tungaa Nutaarmiunut tikipput. Dronning Ingridip napparsimavissuani aamma piareersarneqarpoq sulisunik suli amerlanerusunik ornigutsitsinissaq.
Ullup qeqqanut radioaviisimi annerusumik tusagaqarsinnaavutit.