Taanna inuussutissarsiornikkut ineriartortitsinermik maanna taaguuteqarallarpoq, takorluukkallu erseqqissarneqassapput Nuummi novembarip ulluisa 21-anniit 23-ata tungaanut ataatsimeersuarnikkut, tassani aamma nittaarsaassisoqassalluni, tassa qaaqqusisoqassaaq katiterisoqarlunilu. Inuussutissarsiornermik, kulturimik ilinniartitaanermillu suliallit hornorujut missaanniittut qaaqqusaapput.
Aaqqissuussisuupput inuussutissarsiutigalugu ilinniartitsisut pisortaqarfinneersut, Kalaallit Nunaanni Takornariaqarnermi Inuussutissarsiornermilu Siunnersuisoqatigiit aamma Nuup Kommunia.
- Eqqarsaatit piviusunngortinneqarnissaasa saniatigut ataatsimeersuarnermi aamma sammisavavut suleqatissarsiorneq aningaasatigullu tapersersuisussarsiorneq, Søren Vestergaard Mikkelsen, Eskimo Managementimeersoq, oqarpoq. Ataatsimeersuarnissamik taanna aaqqissuisooqataavoq.