Nunavut uumasunik illersuiniaqatigiinnit nuannarineqanngilaq

Nunap immikkoortui taakkua ukiup aappassaani taamatut isigineqarput, CBC Newsimi taama allaaserinnittoqarpoq.

Animal Legal Defense Fundip nalunaarusiaani, nunap immikkoortuini pineqartuni marluusuni, oqartussaasut sukannernerusunik malittarisassiornissaannik, aamma inunnut uumasuutiminnik uumasunilluunniit allanik naalliutsitsisartunut sakkortunerusumik pillaasarnissamik, atulersitseqquneqarput.

Yukonimi innuttat ukioq manna uumasunik naalliutsitsivallaarunnaarsimapput, siorna naalliutsitsinerit ilagigaluarpaat. Naalagaaffiup taassuma ilaatigut uumasunik naalliutsitsinermut pillaammik akiliuteqartitsisalernermigut pillaateqartitsisalernermigullu uumasunik naalliutsitsineq appariartissimavaa.

Canadami naalagaaffik uumasunik pitsaanerpaamik iliuuseqarfiusartoq tassaavoq Ontario.