Nunavut-mi pinaveersaartitsineq 10 millioner koruuninik nalilik
Ilaqutariit iluanni timikkut tarnikkullu peqqarniitsuliortarneq annikillisarniarlugu, Nunavumi aningaasat 10 millioni koruunit ukiumut atorneqartalissasut, ukiunilu tulliuttuni ukiut tamaasa 15 millioni koruunit, Nunavumi ministeriuneq, Paul Okalik, nalunaarpoq.
Ajornartorsiutinik aaqqiiniarnissani, utoqqaat qanigisaminnit aammalu arnat aappaminnit annersagaasartut ikiorniarneqarput.
- Illoqarfeeqqani eqqissisimatitsiniartartut siornatigut ullup affaannaanik sulisarsimasut maannakkut ulloq naallugu sulisinneqarsinnaanissaat akissaqartinneqalissaaq, aammalu suliniarnermi politiit ikiortigalugit pinaveersaartitsiniarnissaq aallartinneqassaaq, Okalik oqarpoq.
Aningaasaliissutigineqartussat amerlagisassaanngitsut, Paul Okalik oqarpoq.
- Pineqaatissiisarnerni aningaasartuutaasartut sanilliukkaanni aningaasat amerlagisassaanngilat, pinaveersimatitsisinnaanerlu pitsaanerusoq anguneqarsinnaalissaaq, Okalik naggasiilluni oqarpoq.
