Nunavummiut ullumi nalliuttorsiorput
Nunavut Northwest Territoriesimut ilaajunnaarluni Canadami naalagaaffimmut ukiut 17-it matuma siorna immikkut ilannguppoq. Tamanna Nunavummi ullumi nalliuttorsiutigineqarpoq.
Allattoq Apollo Jeremiassen
Ulloq aallaarnerlugu piffinni tamani, pannakaanik ullaakorsiortoqarpoq, silamilu siaasakkanik unnugu nerersuartoqartussaassalluni.
Qanga pissusitoqqanik pinnguaatinik pinnguartoqassaaq, qitittoqarluni nunaqarfinnilu siuttut oqalugiassallutik, Siku Newsimi taama allaaserinnittoqarpoq.
Inuusuttut Nunavuup oqaluttuarisaanera pillugu ullup ingerlanerani unammisinneqarput, Nunavuup oqaluttuassartaanut ilisimasaqarnerulernissaat taamaaliornikkut anguniarneqarluni.