Nunavummiut tb-mik nappaalapput

Nunavummi innuttaasut tuberkulosemik nappaalappat. Kisitsisit kingulliit naapertorlugit Nunavummiut aatsaat taama amerlatigisut tb-mik tunillatsissimasut paasineqarpoq.
Allattoq Louise M. Kleemann
decembarip 11-at 2010 14:50

Nunavummiut tb-mik tunillatsissimasut agguaqatigiisinnerat Canadap sinneranut sanilliullugu 60-eriaammik qaffasinnerusoq nunatsiaqonlinemi allaaserineqarpoq.

Naak ukiup qaangiunnissaanut sapaatip akunnialui suli amigaataagaluartut taamaattoq ukioq 2010 tb-mik akiuiniarnermi aatsaat taama ajortigisutut peqqinissaqarfimmit nalilerneqarpoq, tassami tuberkulosemik nappaatillit 99-it ukiormanna paasineqarmata. Taamaasillutik 2008-mi tb-mik tunillatsissimasut 58-it amerlassutsimikkut qaangerneqarput.

Geraldine Osborne Nunavummi peqqinnissaqarfimmeersoq naapertorlugu Qeqertaaluup nalaa tb-mik nappaalaffiuneruvoq, tunillatsissimasut 93 procentii tamaani nassaarineqarmata.

TB-mik tunillatsissimasut amerlanersaat Iqalunni Kinngaanilu nassaarineqarput.

Tuberkulose nappaataavoq tuniluuttartoq antibiotikanik assigiinngitsunik katsorsarneqarsinnaasoq. Nunarsuaq tamakkerlugu ukiumut inuit 3 millionit angullugit tuberkulosemik toqquteqartarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq