Akitsinni Nunavummi Cambridge Bay-imi eqqaassisoqarsimavoq, eqqaassinermilu angutit pingasut toqutaasimapput arnaq ataaseq angutillu sisamaat ikiligaasimallutik.
Illoqarfik Cambridge Bay 1500-t missaanni inoqarpoq.
Angut ataaseq eqqaassisimasutut tigusarineqarsimasoq nutaarsiassaqartitsivik CBC allaaserinnippoq.
Immikkut paasiniaasartut Iqalunneersut Cambridge Bay-liaraluartut allaaserineqarpoq, silalli ajornera peqqutigalugu apuunneq ajulersimasut erseqqissaatigineqarluni.
Cambridge Bay-imi inuiaqatigiit ikittunnguit akornganni aatsaat taamak sakkortutigisumik pisoqartoq oqaatigineqarpoq taavanilu innuttaasut annilaarsimaqisut tusagassiorfik CBC News allaaserinnippoq.
- Nunavummi aatsaavissuaq taamarsuaq sakkortutigisumik pisoqarpoq, taama canadami politiit oqarsimapput.