Nunavummi qarasaasiakkoortumik atuartitsinermik misileraasoqartoq

Atuarfinni suliniut nutaaq Nunavummi sapaatip-akunnerani uani aallartinneqarpoq. Suliniut taaguuteqarpoq Connected North, tassa "Nunanut Avannarlernut attaveqarneq", Canadammi kujasissuani issittuni nunaqarfinnilu avinngarusimasuni atuarfinnut TV-kkut attaveqartalernissaq suliummi anguniarneqarmat. Suleqatigiissut tassaapput Nunavut canadamiullu teknogiikkut suliffeqarfiat, Cisco Canada.
Allattoq Marianne Stenbæk, Montreal, Canada, Carla Davidsen
apriilip 04-at 2014 05:48

Videomi programmi katiterivik atorlugu Eqalunni Aqsarniit atuarfianni atuartut atuarfiit kujasinnerusumiittut ilinniartitaaneranni peqataasalerput. Torontomi atuarfimmi klassi ataaseq laboratoriami uumassusilerinermi sapaatip-akunnerani uani peqatigaat.

Illugiilluni attaveqaqatigiinneq atorneqarpoq, programmi katiterivik atorneqarluni, Eqalunni atuartut Torontomi atuartunik attaveqarsinnaallutik, imminnut oqaloqatigiissinnaapput, naggueqatittalu kulturiannik takutitsisinnaapput ilinniartitsisinnaallutillu. Takutitaat siulleq tassaavoq qanoq qaanniortarnersut.

Suliniut aallartilluaqaaq, qaammatinilu kingullerni misileraanerit takutippaat suliniut atuartunit atorfissaqartinneqaqisoq, canadamiullu imminnut ilisarisimalernissannut soqutiginnilersitsisinnaalluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq