Nunavummi namminersorneruneq ukiunik qulinngortorsiulerpaat

Ilimasunngitsullu amerlaqimmata, nuannaarneq anneruinnarpoq.

Nunavullu ukiuni qulini ineriartorsimavoq. Inuit nunanit tamalaaniit tikerarsimapput, nutaanik pisiniarfeqalerluni, nutaanik suliffeqalerluni aallartisartoqarlunilu.

Naalakkersuisut siulittaasuat arnaq, Eva Aariak, Canadami kisiartaavoq. Nunavut maanna 32.000.it missaannik inoqarpoq, 85 procentiisa missaat Inuullutik. Nunarsuarmili nunani inukinnerpaanut ilaavoq, tassami Canada-p tallimararterutigivaa, Europap kitaatut angitigaluni. Oqaatsit assigiinngitsut pingasut pisortatigoortumik atorneqarput, tuluttut, franskisut Inuktitullu.

Iqaluit, Nunavumi pingaarnerpaalerpoq, maannalu 7000-it sinnerlugit inoqarluni. Nunavut Canadap ilagilersimavaa pingaarutilik.

Nunavup nalliuttorsiutigineqarnera januaarimili aallartippoq, Canadap illoqarfiisa pingaarnersaanni, Ottawami, saqqummersitsisoqartarluni inngernermillu takutitsisoqartarluni. Canadap naalagaaffia aningaasamik kuultiusumik 100 dollarimik nalilimmik, inngertumik kusanarsaatitalimmik, saqqummersitsissaaq, qimussimik sukkaniuttoqassaaq allappassuarnilu pisoqassaaq. Sapaatillu akunnerani uani Nunavormiut illoqarfinni nunaqarfinnilu tamani nalliuttorsiussapput, Nunap immikkoortortaa namminneq nunagigitsik nuannaarutigalugu.

Nunavut pilluaqquarput.