Nunavummi meeqqamik toqutsisoq ujaarineqarpoq
marsip 17-at 2006 10:55
Nunavummi politiit meeqqamik toqutsisimasumik ujaasipput.
Sapaatip akunnera kingulleq ujaasisut meeraq tallimanik ukiulik toqungasoq nassaaraat. Meeraq illoqarfeeqqami Kugaarummi quimiittoq nassaarineqarpoq. Taama CBC oqaluttuarpoq.
Politiit meeraq nukappiaraanersoq niviarsiaraanersorluunniit oqaatigerusunngilaat, qanorlu toqusimanersoq aamma oqaatigerusunnagu. Uppernarsarpaalli meeraq toqutaasimasoq.
Politiit misissuisussanik arfinilinnik Kugaarummukartitsipput, illoqarfeeraq 575-nik taamaallaat innuttaqartoq.
Canadamiut politiivisa oqaatigaat suli pasisaqaratik.
