Nunavumiut ippassaq marlunngornermi ullorsiorput
Nunavumi nunamik piginnittussaanermut isumaqatigiissutip Canadami inatsisartunit akuersissutigineqarneranit ukiut 20-t qaangiussimalerput. Isumaqatigiissut taannarpiaq Nunavut nunataata pilersinniarneqarnerani toqqammavigineqarpoq.
Isumaqatigiissuteqarnikkut Inuit kingornussatik oqaluttuarisaanertillu tulluusimaarutigilerpaat. Terry Audlap, Inuit nuna tamakkerlugu kattuffianni, Inuit Tapiriit Kanatami, præsidentiusup tusagassiorfinnut oqaatigaa, pisoq oqaluttuarisaanermut pingaaruteqarluinnartuusoq.
-Nunavummiut ullumikkut tamakkiisumik nuannaaqatigaagut, peqatigisaanilli aamma isumaqatigiissutip tamakkiisumik atuutilersinneqarnissaa pillugu suli suliassaqarpassuaqartoq nalunngilarput.
Nunavumi nunamik piginnittussaanermut isumaqatigiissut Canadami nunamik piginnittussaanermut isumaqatigiissutit annersaraat.