Nunavumi naalakkersuisut siulittaasuat Kalaallit Nunaannut tikeraalerpoq
Naalakkersuisut siulittaasuat, Hans Enoksen, Eqalunnut ukioq 2006-imi tikeraarpoq, tikeraarneranullu atatillugu Paul Okalik nunatsinnut tikeraaqqullugu qaqquneqarpoq.
Paul Okaliup pisortatigoortumik nunatsinnut tikeraarnissaanut tusagassiuutinut nalunaarummi Hans Enoksen ilaaatigut ima allappoq:
”Naalakkersuisut siulittaasuat Paul Okalik ilagalugu tamatigut nuannerluinnartarpoq, nunarsuarmimi naalakkersuisut siulittaasuinit kisiartaavoq namminneq oqaasii uagullu nammineq oqaatsivut atorlugit oqaloqatigisartagara”, Hans Enoksen oqarpoq.
Paul Okalik kissaateqarsimavoq nunatta Kujataa naggoreqisoq ilisimanerulerumallugu.
Kujataaniinnermini nunaleriffeqarfik Upernaviarsuk takornariassavaa, savaatillit arlallit pulaarniarpai, aamma ammerivik Great Greenland pulaassallugu. Paul Ukaliup takuniagassaasa ilagaat Qaqortukuluup oqaluffiata sinnikui, aammalu Tasilikulooq Vatnahverf takuniarniarpaa, Qassiarsummullu tikeraassalluni.
