Nunavumi inuit peqqissusaat misissorniarneqalerpoq
Nunavumi inuit peqqissusaat misissorniarneqalerpoq. Umiarsuaq sikunik aserorterutaasoq Amundsen misissuinermi qitiussaaq, nakorsanik ilaasoqartussaagami.
Misissuinerit aggustimi aallartissapput, inuillu Qeqertaaluk-meersut Kivalliq-meersullu 1200-t missaanniittut aallarniutigalugu misissorneqassapput.
Northern News Services nittartakkamini taama allappoq.
Nunaqarfiit 19-it tikinneqassapput, misissuinerillu septembarip tungaanut ingerlanneqassallutik.
Inuit sukkortuunersut misissorneqassaaq, aallu naqitsinera kiisalu uummasserisarnerit misissorneqassallutik.
Misissuinerit aappaagu nanginneqassapput, umiarsuaq Amundsen avannarpartissagami, Canadap issittortaani kitaamiut aamma misissuiffigineqassamik.