Nunavumi innaallagiaqarneq ajornartorsiutaasoq
Illoqarfimmimi 2.300-nik inulimmi sapaatip akunnera sinnerlugu innaallagiaq qameqattaarsimavoq. Sila anorlerluni 30-nik issileruttortoq illoqarfimmi innaalagissiuutit unittoormata, akunnerit pingasukkaarlugit qulliit qameqattaalersimapput. Qulliit ikikkaangata kiassaatit innaallagiatortut sakkortunissaat tamaat akunnerni marlunni ikumatinneqapallattarsimasut, Angela Dale, Canadian Pressimut oqaluttuarpoq.
Kissarsuutit, isiginnaarutit allallu innaallagiatortut atoqqusaajunnaarsimapput, imerlu qereqqunagu kuutsiinnarneqartariaqarsimalluni, taamaakkaluartoq illut 70-it ruujorii qaararsimapput.
Kangirlinirmi nukissiorfimmiit nalunaarput Yellowknifemiit innaallagissiuummik ullumi tikittoqarnissaa neriuutigalugu, - qulliilli qaminnganerisa nalaani sisamanngormat qaammatip pulanera kusanaqisoq isiginnaaritsik Angela Dalep unnersiutigaa.