Nunavumi ilinniartitsisut qimarratilerput
Allattoq Najaaraq Egede
Nunavumi ilinniartitsisut atuartunut anginernut ilinniartitsisut qimarratilerput.
Ukiamut atuarneq nutaaq aallartippat soraarniartut amerlapput. Ilinniartitsisut atuarfinniluunniit pisortat sisamaagaangata, ataaseq soraarniuteqarsimavoq.
Ilinniartitsisut soraarniuteqarnerminnut pissutaat assigiinngillat, amerlanerit isumaqarput, ulluinnarni inuuniarneq Nunavumi akisuallaartoq, allalli nungullarluinnarsimagamik soraarniuteqarnerarput.
Aamma Nunavumi ulluinnarni atukkatigut assigiinngitsutigut akitsuutit aappaagu 15 procentimik qaffattussaammata, ilinniartitsisut qimarratilersut, Nunatsiaq News allappoq.