Nunavimmi inuuniarneq akisusoq
Nunavimmi inuuniarneq qanoq akeqarpa? Apeqqut taanna misissuinermi naammassineqaqqammersumi akiniarsarineqarpoq.
Makivik Corporationimit, nunallu ilaani Kativimmi, Quebecimilu naalakkersuisut peqatigalugit misissuineq aallartinneqarsimavoq.
Nunaqarfinni arfinilinni ilaqutariit 450-it isertitarisartagaat aningaasartuutaallu pillugit qaammatit 16-it ingerlaneranni apersorneqarsimapput, akissutigineqartullu qiimmaallaataasinnaarpianngillat.
Misissuinerummi takutippaa ilaqutariit isertitakitsut akornanni isertitami 70 procentii sinnerlugit nerisassanut inigisaminnullu akiliutigisaraat, tamannalu sinneqartoortitserpiarneq ajorpoq.
Iluarsiissutissanik attanneqarsinnaasunik pilersitsinissamut misissuineq iluaqutaasinnaassasoq, Makivik Corporationimi præsidentip Jobie Tukkiapiup oqaatigaa.
Nunavimmimi akit Canadap sinneranut sanilliullugit qaffasinnerupput.
Misissuineq Nunavimmi ilaquttanut isertitakitsunut iluaqusiissasoq neriuutaavoq.