Nunavik juullip tungaanut corona pillugu killilersuinernik sukannersunik eqqugaangaaqqasoq
Illoqarfissuaq Montreal nunallu immikkortuata Quebecip anneraaa coronamik tunillatsinnissamut upalungaarsimaffiulerput, tamaanilu juullisiornissaq taamaatinneqarpoq.
Nutaarsiassaqartitsiviup Nunatsiaq Newsip allaaserisaa naapertorlugu, Nunavimmi sapaaatip akunnerani kingullermi sukannersumik aqutsisoqalerpoq.
AAMMA ATUARUK Nunavut matoqqagaluatoq coronamik tunillatsittut amerlisut
Canadami sumiiffinni amerlanerni sakkortuumik sukaterinerit allat assigalugit Nunavimmi aamma atuupput maannali suli sakkortunerusumik sukateriffigineqalerpoq.
Nunavik coroanamik tunillatsinnissamut ulorianarnerpaat tulliatut inissinneqarpoq aappaluartumik orangeamik qalipaatilittut inissinneqarluni.
Nunavik sukannersumik aqutsiveqarfiussaaq jannuarip ulluisa aqqarngata tungaanut.
Manna tikillugu Nunavimmi coronamik tunillatsissimasut aqqaneq marluupput toqusoqarsimananilu.
Tunillatsissimasut amerlanerulinnginnissaat neriuutigineqarpoq, naak juulli nalliuttorsiornerit annertunersarigaluaraat, inuillu katersuullutik nuannarisarigaat.
Ilaqutariit ataatsit illumi ataatsimi amerlanerpaamik quliussasut malittarissaavoq, silami aaqqissuussinerni inuit 250-unissaat piumasaqaataalluni.
Makivik Korporationen, Nunavimmi allaffeqarfinnik aqutsisoqarfik nammineq piumassutsiminnik suliniuteqartut Kuujjuarmiittut peqatigalugit, kurvenik 700-nik nerisassanik imaqartunik piareersaapput taakkua ilaqutariinnut agguaanneqassapput juullisiutigissammatigit.
Juullerpaluttunik aaqqissuussinerit ikinnerujussuussapput taamaattorli nuannaarutigineqarsinnaavoq, Nunavummi coronamik tuniluunnerup pinaveersaartinneqarnera iluatsilluarsimammat.