Nunatta sermersua allanngoriartupiloorpoq

Nunatta sermersuata qanoq sunnerneqarneranik misissuereerlutik, qallunaat ilisimatuut tamanna naqissuserpaat. Sermit iigartartut sooq aajaarnerusalernersut soorlu iigallattaarnerulernerinut patsisaasut qallunaat ilisimatuuisa arlalissuunerarpaat.
decembarip 29-at 2011 10:28

Silap pissusaata allanngoriartornera pissutaalluni nunatta sermersua allanngoriartupiloorpoq.

Ilaatigut silap kiatsikkiartornera, immap kissassusaata allanngornera, sermersuarmiillu erngup kuunnerulersimanera iigartartut sukkatsissimanerinik kinguneqarput. Nittartakkamut natur.gl-imut ilisimatuut taama allapput.

- Silap pissusaata allanngoriartorneranut sermit iigartartut sunnigaasimaqaat, tamanna misissuinitta ersersippaa, pisunullu aallaaviusunik arlalinnik tikkuaasinnaalersugut misissuinitta ersersippaattaaq. Tassa misissuinerit ataasiakkaat ataatsimoortinnerisigut paasinninnitsinnut annertusaataasimavoq, Mads Hvid Ribergaard, Nuummi Nunatta silap pissusaanik misissuivianeersoq taama oqaluttuarpoq.

Misissuinerit inerneri naapertorlugit ukiuni kingullerniinnaanngitsoq, sermeq aakkiartupiluulertarsimavoq.

1930-kkut qiteqqunneranni 1940-kkunnilu iigartartut aakkiartupiloorsimaqaat. Taamani sila aamma kiassimavoq, immallu itinerusumi kiassusaa nalinginnarmit qaffasinnerusimalluni immallu sikua aamma saannerusimavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq