Inatsisartuni sinniisussatut inissisimagaluartoq qinigaasinnaassuseqanngitsutut nalilerneqartoq
Inatsisartut marlunngornermi ataatsimiinneranni sinniisussatut inissisimagaluartoq ataaseq qinigaasinnaassuseqanngitsutut aalajangerneqarpoq. Inatsisartut siulittaasuat, Hans Enoksen taama ilisimatitsivoq.
Allattoq Anton Gundersen Lihn
Nunatta Qitornaani sinniissussagaluartoq Pavia Geisler, aqqanilinnik taaguunneqarsimasoq qinigaasinnaassuseqanngitsutut nalilerneqarpoq.
Qinigaanerullu Misilinneqarnissaanut Ataatsimiititaliaagallartup naliliinera naapertorlugu Pavia Geisler qinigaasinnaanngitsutut Inatsisartuni amerlanerussuteqartut nalilerpaat.
Taamaatumik inatsisartunut matumani qinigaaffimmi Pavia Geisler Inatsisartuni ilaasortaasinnaanngilaq.
Inatsisartuni ilaasortat 31-t akuerineqarput, kiisalu partiini tallimaasuni sinniisussat akuerineqarlutik.