Aleqa Nunatta Qitornai sinnerlugit sassarpoq
Aleqa Hammond Nunatta Qitornai sinnerlugit Inatsisartunut qinigassanngortippoq. Tamanna ualermanna tusagassiortunut katersuutitsinermi nalunaarutigineqarpoq.
![](/sites/default/files/styles/image_934x467/public/image_3.jpeg?itok=nshbYq0E)
Allattoq Jonas Fievé
Aleqa Hammond Nunatta Qitornai sinnerlugit Inatsisartunut qinigassanngortippoq. Tamanna ualermanna ataatsimut tusagassiortunut katersuutitsinermi nalunaarutigineqarpoq.
Aleqa Hammond partiimut sunniuteqarluarsinnaasoq politikeriusorlu pingaarutilik, Nunatta Qitornaani pilersitsisoq oqarpoq.
Aleqa Hammond 2013-imi naalakkersuisut siulittaasuattut inissisimajunnaarpoq, aningaasanik 100.000 koruunit nalingannut atornerluisimasoq saqqummiunneqarmat. Tamannali Vittus Qujaukitsup akornutissartaqartinngilaa.
- Uagut inoqatitsinnut aammalu qinikkanut allanut eqqartuussisutut inissisimanngilagut. Eqqartuussiviit tamanna suliassaraat, Vittus Qujaukitsoq KNR-imut oqarpoq.