Nunatta Norgellu akornanni aalisarneq isumaqatigiissutaavoq
Aalisarnermut, piniarnermullu pisortaqarfiup, nunatta Norge-llu akornanni aalisarneq pillugu 2007-imi isumaqatigiissutissaq naammassivaa.
Isumaqatigiissuteqarnermi nunatta Norgellu akornanni aalisarneq pillugu isumaqatigiissut 1992-imeersoq aallaavigineqarpoq.
Isumaqatigiissut kalaallit Norge-p imartaani aammalu norskit nunatta imartaani aappaagu aalisarnissaannut tunngaviuniartussaavoq.
Aalisarnermik soqutigisaqartut sinniisaat naalakkersuisoqarfiillu isumaqarput aappaagumut isumaqatigiissutikkut akuerineqarsinnaasumik angusaqartoqartoq.
Aalisarnermut piniarnermullu pisortaqarfik tusagassiutinut allakkaminni taama allagaqarput.
Nunarput sinnerlugu isumaqatigiinniartitat nunatta Ruslandillu akornanni 2007-imi aalisagartassat pillugit isumaqatigiinniutigisussanngorpaat, arfininngorpallu naammassissangallutik oqarput.
Norgemut Ruslandimullu isumaqatigiinniarnikkut angusat kingusinnerusukkut naalakkersuisunit akuerineqartussanngorlugit saqqummiunneqassapput.
