Nunatta maanna inissisimanera Dansk Folkepartiip ernumanartoqartikkaa
![](/sites/default/files/styles/image_934x467/public/article_images/soeren_espersen630_0_2.jpg?itok=1edXMVG4)
Aningaasanut inatsisissami amigartoorujuteqarujussuarnissaq aammalu Kalaallit Nunaanni suliffissaaleqinerujussuaq pissutigalugu taamatut siunnersuuteqarpoq.
- Kalaallit Nunaat ilungersunartupilussuarmik maanna inissisimavoq - Kalaallit Nunaannilu naalakkersuisut unammilligassanik kivitsisinnaagunaratik, allaallumi qanoq ilungersunartigisumik inissisimasoqarnera nassuerutigisinnaagunanngilaat, Dansk Folkepartip Kalaallit Nunaannut tunngasunut oqaaseqartartua Søren Espersen oqarpoq, tamannalu pissutigalugu Kalaallit Nunaanni pissutsit pillugit Folketingimi tunngaviusumik oqallittoqarnissaanut piffissanngorsoralugu.
Danmarkip tungaanit iliuuseqartariaqartariaqarpoq
- Kalaallit Nunaanni pissakitsut amerliartuinnarnerat aammalu kalaallit nunaminnit aallarartut amerliartuinnarnerat takusinnaavarput. Kalaallit Nunaat Naalagaaffeqatigiit ilagaat, taamaammat uagut isumarput malillugu kalaallit ikiorsernissaannut pisussaaffeqarpugut, Søren Espersen oqarpoq.
- Ministeriuneq Kalaallit Nunaanni pissutsit pillugit qanoq eqqarsaatersuuteqarnersoq maanna tusarusupparput, uagullu isumarput ersarippoq. Danmarkip tungaanit iliuuseqartariaqarpugut.
Apeqquteqaatip oqaasertaa tamakkiisoq aajuna:
”Ministeriuneq Kalaallit Nunaanni pissutsit nalinginnaasut pillugit qanoq ilisimatitsissuteqarsinnaava - aningaasanut inatsimmi amigartoorujussuarnissamut, aningaasaqarniarnikkut periarfissat pitsaanngitsupilussuit, suliffissaaleqinerujussuup annertusiartuinnartup, aningaasaliissutissanik amigaateqarneq, pissakitsut amerliartuinnarnerat, nunamit noorartut malitsigisaannik ajornartorsiutit aammalu Kalaallit Nunaata taama ilungersunartorsiortiginerani danskit naalakkersuisut Kalaallit Nunaannik sutigut ikiuisoqarsinnaaneranut qanoq pilersaaruteqarpat?"