Nunatta nakorsaanera: Nunatta kujataani sakialluttorpassuupput

Nunatsinni sakialluummik suli napparsimasorpassuaqarnera isortuussaanngilaq. Kujataanili pingaartumik tamanna naalliuutaavoq. Sakialluttutummi siorna paasineqartutut pingajorarterutaat nunap immikkoortuani kujataaniipput.
Assi © : Yale Rosen/Flickr Creative Commons
Allattoq Kenneth Elkjær
juulip 18-at 2018 13:13

Nunatta kujataani sakialluttut 2014-imili paasineqartartut amerlangaatsiarput.

- Nappaammit tunillatsissimasoqartillugu katsorsaaniarneq ajornartorujussuuvoq, nunatsinni nakorsaaneq, Henrik L. Hansen oqarpoq. 

Sakialluut quersornikkut tangajornikkullu tuniluuttarpoq. Taamaammat nappaatip tuniluukkunnaarsinniarnera ajornartarluni.

- Tunillaatitsinaveersaarnissamut suliniuteqarneq sivisoorujussuussaaq , tassami nappaat tuniluuterusaaginnavittarpoq. 

Nunatsinni 2017-imi sakialluttunit paasineqartunit 60-init 19-it kujataaniipput. Nunatsinni peqqinnissaqarfiit nappaat alaatsinaappaat, tamannali naammanngilaq. Taamaammat innuttaasut aamma alaatsinaattariaqarput.

- Nappaatip tuniluunnera unitsissappat, tunillanneqarsimasut paasisariaqarpagut, taakkulu katsorsarneqartariaqarput, nunatsinni nakorsaaneq, Henrik L. Hansen oqarpoq. 

Quersorneq, sanigorneq unnuami kissattoortarneq sakialluutip ersiutaanut ilaapput. Sakialluut pillugu itinerusumik tuberkulose.gl-imi atuagaqarsinnaavutit.

 

 

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq