Nunatta kitaata avataani qillerinissat unitseqqugaat
- Kalaallit Nunaat kitaata avataani qillerisoqarnissaa akuerineqarsinnaanngilluinnarpoq, Danmarkip Kalaallit Nunaatalu pisussaaffigaat unitsissallugit, SF-ip parlamentimi ilaasortaatitaa Margrethe Auken partiit avatangiisinik pingaartitsisut sinnerlugit taama oqarpoq.
Taamatut isummersornini danskit naalakkersuisuisa isumaannut naapertuutinngitsoq, immaqalu aamma Kalaallit Nunaanni nuannarineqarnavianngitsoq ilisimavaa.
- Uuliamik ajutoornersuaqassagaluarpat tamanna Danmarkip Kalaallit Nunaatalu kisimik ajornartorsiutiginavianngilaat. Nunarsuarmi immami avatangiisinut taamatullu tamatsinnut ajorluinnartumik kingunerlutsitsissaaq, Margrethe Auken Metroxpressimut oqarpoq.
Partiit avatangiisinik pingaartitsisut qillerinerit unitsinneqarnissaa anguniarlugu Europaparlamentimi tamanna sulissutiginialerpaat.
