Nunatta kissaviarsua Danmarkimi naammattoorneqartoq
Nuannaariinnarlugu assiliisartup assilisimasaa aalassassimaarutaasoq tassaavoq kissaviarsuup Kalaallit Nunaata timmiaasa ilaata Danmarkimi assilineqarnera.
Assiliisup timmiaq assiligamiuk isumaqarsimavoq tassaasoq timmiaq Danmark-imi nalinginnaasuusoq tigutsisilik qallunaatut musvåge-mik taaneqarneqartoq.
Kissaviarsummik assiliisoq tassaavoq, Bjarne Nørby, Jylland-ip avannaani najugaqartoq.
Taassuma assilisani qarasaasiakkut nittartakkami assiisivimminut ilannguppaa, kinguninngualu assimik takunnittut qisuariartalerput, assiliisoq erseqqissaffigalugu timmiaq assilisimasaa tassaanngimmat, tigutsisilik qaqortoq, kisiannilu kissaviarsuk Kalaallit Nunaanni timmiaq.
Aviisimi Hanstholm Posten-imi allaaserisaq malillugu eqqoriarneqarpoq, Kalaallit Nunaata kissaviarsua aatsaavissuaq Danmark-imi siumorneqartoq
Kissaviarsuit 1000it missaannik amerlassusseqarput.
Kissaviarsuk Danmarkimi siumorneqartoq nammineerluni Danmark-imut timmisimanersoq timmissanik ilisimatuunit assortuussutaavoq.
Kissaviarsummik uumasuutigineqartumik tammaasaqartunik tutsaqartoqarsimanngilaq, aammalu kissaviarsuk assilineqarsimasoq, ilisarnaateqarsimanngilaq.