Nunatta kiinaa saqqummersilerpaat
Assinik saqqummersitsineq siulleq Københavnimi oqaluffissuarmi Nathaniels Kirkemi oktobarip ulluisa 15-ianni pissaaq.
- Kalaallit Nunaat assini uummaarissumik takutinniarneqarpoq, assillu ukiorpassuarni piusussaapput. Atugarliortuniit, inuunerminnik ajornartorsiuteqartuniit, pinngortaq nuannersoq inuillu inuppalaartut assini takuneqarsinnaapput, Chris Christophersen tusagassiutinut nalunaarummini allappoq.
Sunngiffimmini assiliisartup, 25-nik ukiullip, Chris Christophersenip, kalaallinik nammineq siuleqartup, assit saqqummersinneqartussat ukiut pingasut matuma siorna aallartippai.
- Inuiaat kalaallit alutorisorujussuuvakka, Kalaallit Nunaanni pinngortitaq kusanartorsuaq, ulluinnarni eqqissisimanarpasikkaluarluni taamaattoq uiverfiusoq, soqutiginarteqaakka, oqarpoq.
Assiliisartup assilisani tuniniarniarlugit aalajangersimavoq, aningaasallu pissarsiami affaat Peqatigiiffimmut Kalaallit Meerartaat-nut tunniunniarpai.
Assit kalaallit illuutaanni pingasuni, kulturikkut illorsuarni Danmarkimilu atuakkanik atorniartarfinni tamani aamma saqqummersinneqassapput.