Nunatta Katersugaasivia Atuagaateqarfialu ullumi aningaasaliisuminut suleqatiminullu katerisimaartitsilaarniarpoq, Sermitsiaq gl. taama allaaserisaqarpoq.
Tunissutit Kalaallit Nunaanni Sulisitsisut Kattuffianni suliffeqarfinnillu allanit pingasuneersut nalliuttorsiutiginiarneqarput.
Ilaatigut Julie Edel Hardenberg-ip atuakkiaanit ”Nipaatsumik assigiinngisitaarnermit” assiliarsuit marloqiusat 19-it, assiliaq assilissanik ataasiakkaanik pingasunik imalik,
Kiisalu Frederik Kristensenimit assilialiaq, Anne Birthe Hove-mit naqitatut assilialiaq kiisalu Alibak Johansenip assilialiaa 1957-imeersoq.
Saqqummersitsineq januaarip qaammataa tamaat ammajumaarpoq.