Nunatta issinnerulernera qimarratigisimavaat
Amerikamiut ilisimatuuvi Universitetimi Brownimeersut, Kalaallit Nunaanni qallunaatsiaat najugaqarfigisimasaata eqqaanni tatsit sikuinit mississuisimanerannit tamanna paasineqarpoq.
Ilisimatuut naatsorsuinerat malillugu, Kalaallit Nunaanni silaannaaq 1100-kkut nalaanni isinnerulerpoq, ukiullu 80-it tulliuttut 13,9-nik issinnerulerluni.
Issinnerulernerata kingorna, naatitat inerikkiartornissaannut piffissaq sivikinnerulerpoq, inuussutissat annikinnerulerput, tamatumalu kinguneraa qallunaatsiaat ulluinnarni inuuniarnerminni ilungersunartorsiulernerat.
Kalaallit Nunaata imartaani sikusarnera annertusimmat, qallunaatsiaat skandiaviamiunik niueqateqarsinnaanerat ajornakusoornerulerpoq, ilisimatuullu oqarnerat malillugu, qallunaatsiaat kalalalllillu akornanni aaqqiagiinngittarneq pissutigalugu qallunaatsiaat Kalalallit Nunaat 1500-kkut nalaanni qimassimavaat.
