Nunatta Isiginnaartitsisarfia pisortartaassaaq

Nunatta Isiginnaartitsisarfiata siulersuisuisa maanna pisortaasoq Svenn B. Syrin atorfimminiit januaarip aallaqqaataani 2016-imi tunuarpat Susanne Andreasen isiginnaartitsisarfimmi pisortassatut nutaatut atorfinitsippaat, ukiuni sisamani tullerni atorfeqartussanngorlugu.
Assi © : Angu Motzfeldt/Nunatta Isiginnaartitsisarfia
Allattoq Karsten Sommer, Nauja Møller
juulip 31-at 2015 13:32

67-nik ukiulik norgemiu Svenn Syrin ukiorpassuarni isiginnaartitsisarfimmi pisortaareerluni ukiuni sisamani isumaqatigiissusioqqinnissani kissaatiginngilaa, taamaalilluni ukioq nutaamiit atorfimminiit tunuassaaq.

Nunatta isiginnaartitsisarfiani siulersuisuunerit aalajangerpaat ukiortaamiit ukiuni sisamani tulliuttuni pisortassatut sulilersussaq nutaaq tassaassasoq 37-nik ukiulik isiginnaartitsisarmut tunngasunut ilinniagalik Susanne Andreassen. Taanna 2008-miilli Nuummi najugaqarpoq.

Isiginnaartitsisarfiup ullup qeqqarluinnalersoq taama tusagassiuutinut nalunaaruteqarpoq.

Svenn Syrin nalunaarpoq isiginnaartitsisartutut ilitsersuisartutullu pituttorsimanngitsumik sulisassalluni, saniatigullu allaaserinninnermut piffissaqarnissani takorloorlugu.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq