Kulturi

TALLIMANNGORNERSIUTISSAQ Nunatta erinarsortartorsua - Rasmus Lyberth - inuuissiorpoq

Rasmus Lyberthip tusarnaartitsisarfiit inunnik ulikkaavissinnaavai tusarnaartunillu aammalu naliliisartunit nuannarineqartupilussuulluni. Ullumi 64-iliivoq tamannalu nalliussiniarlugu KNR.gl-imi asanninnilersaarutaanik tusarnaagassillutillu isiginnaagassikkusuppatsigit.

Allattoq Simon Uldum -

aggustip 21-at 2015 13:39

Kalaaleq erinarsortartoq, taalliortoq isiginnaartitsisartorlu 1970-ikkunniilli nunatsinni nipilersortartuni nuannarineqarnerpaat ilagivaat. Nipilersuusiarisartakkamigut eqqumiitsuliarisartakkamigullu nunarput nunarsuup avannaarsuaniittoq nunani tamalaani saqqumilaalersippaa aammalu eqqumiitsuliornikkut nunatsinnut sinniisutut nuannarineqarnerpaat ilaattut ullumikkut inissisimalluni.

Rasmus Lyberth arlalissuarnik nersornaatisisimavoq eqqumiitsuliortuullunilu nunatsinni nunattalu avataani nuannarineqartupilussuaq. Dannebrogsordenimik saqqarmiulerneqarsimavoq allaallumi danskit naalagaaffiata aningaasanut inatsisaaniilluni, Naalagaaffiummi eqqumiitsuliornermut aningaasaateqarfianit eqqumiitsuliortutut inuunermi sinnerani akissarsiaqartinneqarpoq.

Saqqummersitaa kingulleq tassaavoq 'Alaatsinaassuseq aquttoralugu', saqqummersitaatalu ateqaataa Pigg-Band peqatigalugu atoraa qulaani isiginnaarlugulu tusarnaarsinnaavat.

Rasmus Lyberth maanngaanniit pilluaqqungaarparput.

Videomik arlaannik tallimanngorpat tullianut piukkussaqaruit, taava webredaktion@knr.gl-imut allaffigisigut.

Ilanngullugu oqaluttuarisinnaavarput Hans Jukku aamma Piggappaat septembarip qulingiluaani aallarteqqissammata.

TALLIMANNGORNERSIUTISSAQ Nunatta erinarsortartorsua - Rasmus Lyberth - inuuissiorpoq

Aamma atuaruk